狗吠的日與夜

相信好多人都唔鍾意狗狗由朝吠到晚，包括我在內！嘈到心都煩，又怕影響到鄰居。

喺我地未講有咩方法前，我地先了解下狗點解要吠？原因好簡單，雞要啼，狗要吠，是這種動物的天性，喺大自然裡吠叫是重要的。如果有小野豬走近狗狗，牠們會以吠叫來嚇怕對方來保護自己，但喺人類既社會裡，吠係唔岩既事，所以我地要做既係幫助狗狗了解人類社會既準則。

從狗狗的角度出發，當突然有陌生人出現，牠感到害怕而吠叫。而對方也因為突如其來既吠叫聲嚇到，退後了一步。（記住狗狗對人類的身體語言十分敏感，因此牠就像預言家一樣，知道你幾時同佢去街，幾時去返工唔帶佢）又或者喺街上吠人吠車時，其實對方完全唔放佢在眼內，繼續行佢既路，繼續開佢既車。有趣既小狗就認為係自己既吠聲嚇走對方！既然呢個方法有效，狗狗當然繼續用啦！

再加上，我地人類往往都鍾意在狗狗吠既時候去阻止牠，˹唔好再嘈喇！˼。狗狗心諗：你放工番到屋企自己食飯，又玩電話都唔理我，但原來我一吠佢就會同我講野架喇～呢個方法原來可以令主人注意我既！

久而久之，狗狗就習慣不停˹說話˼。以因為門鐘響而吠呢件事，主要有兩個原因。

情況一：

狗狗：我知道主人番屋企喇～我好開心呀好開心呀好開心呀呀呀呀呀～～～～（開心到傻左）

情況二：

狗狗（門鐘響起）：我記得喇！上次個鐘一響就有個陌生人入左黎，之後主人仲打我，困我入房，好驚呀！唔可以俾佢入黎！走呀你走呀你！

黎緊呢兩日我地會講在情況一同情況二，應該點做。

希望透過文章比多d人了解，狗吠其實唔一定係佢地唔乖，問題其實係我地無話俾佢聽我地既家規。要改變狗狗行為，先要改變自己，你準備好了嗎？